حلى الكاسات

اكيد سمعتوا عن حلى الكاسات وشفتوا طرق كثيره له مثلي..

انا دخت بين الطرق وانا اجرب..بس مثل هالطريقه ماشفت رووووووووووعه..

سهله وماتخربطين فيها أبد وتواجه عند الضيوف شي حلو وراقي والله

المقادير:

كل المقادير اخلطيها بالخلاط الكهربائي..ماادري وش تسمونه حق الطماطم..

1 علبة بسكوت أولكر مطحون العلبه الكبيره (175 غرام)
1 كأس ماء
1ظرف دريم ويب
1ظرف كريمه (اللي هو كريم كراميل)
1فنجال قهوه حليب بودره
3ملاعق كبيره شوكولاته نوتيلا
1ملعقه صغيره نسكافه
شوي قرفه

اخلطيهم كلهم جيدا وبعدين جيبي كيك سويسرول امريكانا الصغير بالشوكولاته وقطعي كل كيكه

ثلاث قطع وجيبي الكاسات الصغيره..((انا اشتريتها من أبو ريالين))..حطي كل قطعه بكاس

يعني كل كيكه راح تكفي ثلاث كاسات وصبي الخليط فوق الكيك وبعد كذا تفنني في التزيين..

اما انك ترشين الوجه بفليك مثل اللي بالصوره لأنه هو اللي كان متوفر..

او تغطين الوجه بكوكوبفس((تعرفونه الكورن فليكس اللي بالشوكولاته)) وتحطين فوقه نعناع

يطلع شكله كأنه نبات صناعي شكله روووووووووعه..

او انك تطحنين بسكوت اوريو وتحطينه على الوجه..

تفنني انتِ عاد بالتزيين..وبرديه في الثلاجه وقدميه..لو ترصينهم بصينيه خشبيه يطلعون روعه..

وهاذي صورته..وبالهناء والعااااااااااافيه..

شكرا عالموضوع

مشكور على المرور

يعني بتنصحيني جربا

يعطيكي العافية

والله جرب وحكوم وقولي شو رأيك فيها مشكور على المرور