كيف بتميز المواطن السوري عن باقي شعوب العالم

المواطن السوري

> > كيف بتميز المواطن السوري عن باقي شعوب العالم: cyclops

> > * بيفهم في الطب وبيشخص المرض ويوصف الدواء وبيفهم في الكهرباء وتصليح السيارات والطبخ والسياسة والطابة والعمار ... وكل شي بيخطر ببالك. Embarassed

> > * بيحط الريموت كونترول بكيس نايلون حتى ما يتغبر وتروح الأرقام.

> > * بيوقف يتكلم على الباب نص ساعة بعد إنتهاء الزيارة والسلام. Twisted Evil

> > * في خزانة المطبخ عنده عشرين قطرميز فاضي منشان اذا احتاج يستخدمها ومازال مُصِر على جمع المزيد.

> > * ييجي بعد الموعد بساعتين دون ان يعتذر.

> > * بيحكي بصوت عالي في المكالمة الدولية منشان التاني يسمعه. Very Happy

> > * بيعتبر حاله أفضل واحد في الشراء والمفاصلة بعدين بيكتشف إن المحل اللي جنبه أرخص من غير مفاصلة.

> > * بيحتفظ بأكياس محلات اللبس والأحذية وورق الهدايا تحت الفرشة لسنوات من مبدأ : إلـّما يلزمو.

> > * بيشتري قبل الإفطار في رمضان ألف نوع حلو.

> > * عنده منقل شوي للرحلات يستخدمه مرة واحدة أو 3 مرات إن كترت.

> > * بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا.

> > * بيكون مشغول بقيمة البخشيش طول العشا... ياترى أعطي 25 ولا 50؟. Sad

> > * بيتخانق ساعة مشان يدفع حساب المطعم بحرارة شديدة ... وقلبو عم يقول حق بق. Surprised

> > * بيفرش شرشف التخت على طقم الكنب منشان ما يتوسخ، ولما يجوا الضيوف بيترك الشرشف.

> > * بينتظر بفارغ الصبر بياع المحارم أبو : الـ7 بمية المحارم ليموّن لشهرين عالأقل. Laughing

> > * اذا ركب تكسي... طول الطريق عم يطلع عالعداد. Cool

> > * عندو التخبيص بلعبة الشدة مصيبة كبيرة .. وممكن يخسر رفيقه مشان برتية

هههههههههههههههه

حلوات كتير

والله فرطت من الضحك Laughing

لأنو كلن صح Twisted Evil

هههههههههههههههههههههههههههههههههههههه

بربي شي بفرط من الضحك

هدول ع الشعب السوري عامة والحلبي خاصة